Rebyung Pampelikula: Praybeyt Benjamin

            Ang The Unkabogable: Praybeyt Benjamin na pinangungunahan ni Vice Ganda ay isa sa pinaka sumikat na pelikula noong 2011. Ito ay kwento ng baklang si Benjie na mula sa isang pamilyang militar. Siya ay kinakahiya ng kanyang lolo sapagkat ang kanyang kasarian ay hindi nababagay sa kanilang pamilya na kilala sa pagiging matatapang ng mga lalaking sundalo. Ngunit ng magkagulo ang bansa dahil sa mga terorista, maraming mga heneral ang mga dinukot at isa dito ay ang lolo ni Benjie. Dahil dito, ang militar ng Pilipinas ay tumipon ng isang lalaki bawat pamilya upang maging sundalo at ipaglaban ang bansa. Dahil sa kanyang pagmamahal sa kanyang ama, si Benjie ang sumali upang ito ay hindi mapahamak. Ngunit habang nasa kampo, si Benjie at ang kanyang mga kasamahan ay pinagtatawanan sa kanilang mahinang kakayahan. Subalit dahil dito si Benjie at ang kanyang grupo ay nagpursigi at hindi nagatagal, naligtas nila ang mga na dukot na mga heneral at ang bansa mula sa mga terorista.

            Nagpapakita ng uniting unting pagangat ng pagka konserbatibo ng mga Pilipino ang pelikulang Praybeyt Benjamin. Ito ay larawan ng pagtanggap ng ating lipunan sa ideya ng hindi tradisyunal na kasarian o ang pagiging bakla ng ibang mga tao. Ito din ay nagpapakita na masmaraming bakla ay ang hindi na takot sa dating mapanghusgang lipunan. Sa pagsikat ng artistang si Vice Ganda, masasabi nating ang ating lipunan ngayon ay mas bukas na sa mga taong tulad niya.

            Ang pelikula hindi lamang nagpapakita ng pagtanggap sa mga bakla ngunit ito din ay nagpapakita ng mga kakayahan at kalakas ng mga nito. Pinapahayag ng pelikula na ang kasarian ng isang tao ay hindi hablang sa maaring gawin ng isang tao. Ang kaya gawin ng isa ay kakayanin din gawin ng iba. Lahat tayo ay pantay pantay at patas.

Rebyung Pampelikula: Supremo

MAKAPANGYARIHAN NA SANA ANG “SUPREMO”

Pagsusuri sa pelikulang “Supremo” ni Joel Costa Malabanan

Imahismo sa Baston at Cedula

Nagsimula ang pelikula sa taong 1882 kung saan ipinakitang namatay ang unang asawa ni Andres Bonifacio sa sakit na ketong. Mahusay ang panimulang analohiya ng paggawa ng baston bilang sukatan ng pagtatagumpay ng indio. Sa eksena, ipinakitang nagagalit si Bonifacio sa mga manggaagawa ng baston sa kanyang pagawaan at nagwikang “kung hindi ninyo magawang maayos ang mga baston ng mga ilustrado ay manatili na nga lamang tayong alipin nila”.

Sa sumunod na eksena ay ipinakita ang kalupitan ng mga guardia civil sa isang nasunugan na tinulungan ni Bonifacio na binugbog dahil walang cedula. Nakulong si Bonifacio ngunit nakalaya dahil sa influencia at sa tulong ng bagong gradweyt na abogadong si Apolinario Mabini. Ang inosenteng kasama ni Bonifacio ay binitay. Ang pangyayaring ito ang nagsilbing pundasyon kung bakit natanim sa katauhan ni Bonifacio ang pagkamuhi sa kolonyal na Espanyol. Kagaya ng nakasanayang kosepto, nagamit ang imahen ng pagpupunit ng cedula bilang manipestasyon ng hangad na paglaya sa Sigaw sa Pugad Lawin na isa sa mga lutang na eksena sa pelikula.

Nakakahong Bonifacio

Totoong mahusay ang pagganap ni Alfred Vargas na nagpamalas ng iba’t ibang emosyon upang ipakita ang pagiging tao ni Bonifacio. Subalit nabalewala ang kanyang husay dahil sa mababaw na iskrip ng pelikula. Sa halip na magpakita ng mga bagong anggulo sa pagkatao ni Bonifacio ay nanalig ang iskrip sa mga nakakahong paglalarawan sa karakter nito. Nagmistulang komedya ang eksenang may minasaker na na Pilipino ang mga guardia civil at ipinakitang nagpupumilit si Bonifacio na gantihan ang mga guardia civil kahit pa pinipigilan ng kanyang mga tauhan. Sa isa pang labanan, muling inilarawan si Bonifacio bilang lider na padalus-dalos at walang pakundangan kung mamatay ang mga tauhan niya. Kailangan pang si Emilo Jacinto ang sumigaw ng “atras” para lang maligtas ang mga Katipunero habang sa ikalawang pagkakataon ay pinipigilan ang Supremo ng kanyang mga tauhan. Sa maraming teksbuk ay inilarawan si Bonifacio bilang matapang na lider ngunit palaging talo sa labanan. Hindi pa rin nakawala ang pelikula sa nakakahong konsepto ng pagpapakita ng katapangan ni Bonifacio kahit pa ang kahulugan ay kahangalan. Kung ang pelikula ay nagnanais ibantayog ang kadakilaan ng Supremo, mainam sanang ipinakita man lamang ang kakayahan niya bilang isang mahusay na pinuno sa halip na isang lider na kulang sa pagpaplano at nilalamon ng emosyon. Totoong nagtangka ang pelikula na ipakitang palabasa si Bonifacio at isang responsableng kapatid subalit liban dito ay walang bagong nailahad ang pelikula na matutunan ng kasalukuyang henerasyon.

Dinekonstrak si Jacinto

Ayon sa historian na si Tony Donato, “Napakaikli ng buhay ng magiting na Emilio Jacinto, subalit sa 24 taon na siya ay nabuhay sa mundo at 7 taon na ipinaglingkod niya sa himagsikan, ay tunay na napakaraming niyang nagawa para sa Katipunan, himagsikan at sining. Kahanga-hanga ang kaniyang talinong taglay at dedikasyon. Kung ihahambing sa isang ordinaryong tao na nabuhay sa mundo nang kay tagal, ang nagawa ni Jacinto sa loob ng 24 taon sa mundo'y ito ay lalagpasan.”

Sa pelikula ay hindi ipinakita si Emilio bilang mahusay na tagapayo ng Supremo kundi isang kabataang

matatakutin at mahina ang loob. Ang anyo pa lamang ng gumanap na si Nicco Manalo ay malinaw na pagdekonstrak kay Emilio Jacinto sapagkat tuwid na sabog-sabog ang buhok nito kumpara sa nakagisnan nating larawan na tuwid ang buhok at nakasumping sa isang panig. Bagamat mahusay ang pagganap ni Manalo bilang si Jacinto, hindi naipakita sa pelikula ang kahusayan ni Jacinto bilang utak ng Katipunan at may-akda ng kartilya nito. Kung ang imahe ni Jacito sa pelikula ang makikita at matatandaan ng kasalukuyang henerasyon ng kabataan ay tunay na lalabnaw ang pagpapahalaga sa kanya bilang

isang mahusay na lider ng kanyang panahon. Kailangan ng mas malalim at malawak na pananaliksik

sa pagkatao ni Jacinto upang masilip ang tunay niyang husay. Ang lalim ng pag-iisip na ipinakita ni Jacinto sa kanyang mga sanaysay sa Katipunan ay ni hindi nahagip man lamang sa pelikula.

Feminista si Tandang Sora

Mahusay ang pagganap ni Hermie Concepcion bilang Melchora Aquino. Ika-24 ng Agosto, 1896 nang magtipun-tipon sa bahay ni Tandang Sora ang mga Katipunero. Sa tala ng historian na si Jesusa Bernanardo, binanggit niya na: Katipuneros arrive at the barn of Melchora Aquino for their hurried National Assembly, with Supremo Andres Bonifacio and members of the Supreme Council (Kataastaasang Kapulungan), heads of the supramunicipal (sangunian) and chapter (balangay) units of the Katipunan in attendance. Sa pelikula, may diyalogo si Tandang Sora na “siya ay isang aguela na nagtatangkang gugulin ang kanyang nalalabing buhay para sa kalayaan.” At sa makasaysayang eksena ng pagpupunit ng cedula ay tanging si Tandang Sora ang babaeng napaliligiran ng mga sumisigaw para sa paglaya. Bukod sa pagiging matanda ay kahanga-hanga ang tapang ni Tandang Sora bilang isang babaeng kabahagi sa pakikibaka. Sa buong pelikula, liban kay Gregoria de Jesus ay ang karakter lamang ni Tandang Sora ang tanging lumutang na representasyon ng ambag ng mga Pilipina sa paglaya ng bayan.

Hindi Ginahasa si Oryang?

Gaya ni Tandang Sora, sa simula ng pelikula ay ipanakitang may malaking ambag siya sa pakikibaka ng Katipunan. May isang eksena na ipinakitang kunwari ay buntis siya upang maitago ang baril at punyal

na ibibigay niya sa Supremo. Mahusay ang pagganap ni Nica Naval subalit manipis ang iskrip na ibinigay

sa kanyang karakter. Ayon kay Renato Constantino, sa aklat niyang A Past Revisited, si Oryang ay may kung ilang oras na ikinulong ni Col. Agapito Bonzon matapos na mahuli ang magkapatid na sina Andres at Procipio Bonifacio noong Abril 27, 1897 sa Limbon, Indang, Cavite. Sa pagkakakulong na iyon ay

naganap ang panghahalay ni Col. Bonzon na hindi naipakita sa pelikula. Ang pangyayaring ito ay

nabanggit rin ni Ambeth Ocampo sa kanyang aklat na “Bonifacio’s Bolo. Maaring sinadyang hindi ipakita ang eksena o hindi pinaniniwalaan na naganap ni Peter Uckung na siyang historical consultant ng pelikula.

Inosente si Aguinaldo?

Walang masyadong dayalogo si Aguinaldo sa pelikula. Sa isang eksena ay ipinakita ang dalawang tauhan sa pelikula (isa ay si Daniel Tirona) na nagsasabi kay Aguinaldo na darating sa Cavite ang Supremo at walang ipinakitang emosyon ang karakter (na hindi ko napakuha ang pangalan ng artista.) May sinabi pa itong “ang Supremo ang siyang dapat na magpasiya” na parang nagpapakitang susunod siya sa anumang desisyon ni Andres Bonifacio tungkol sa rebolusyon. Lumilitaw tuloy sa pelikula na parang inosente si Aguinaldo sa lahat nang naganap sa Cavite noong 1897 at ang lahat ay kagagawan ng mga tauhan niya. Posibleng umiwas ang pelikula na magbigay ng tuwirang pahiwatig na si Aguinaldo ang may utos ng lahat at hinayaang ang mga manunuod na lamang ang humusga. Subalit kung ang layunin ng pelikula ay ilantad ang katotohanan, dapat ay binigyang diin ang partisapsyon ni Aguinaldo bilang unang dikatador sa Asya. Tiyak na hindi rin mabibigyang pokus sa mas magastos at mainstream movie na “El Presidente” tampok si Jorge ER Estregan ang patataksil ni Aguinaldo sa Katipunan at sa rebolusyon lalo pa at isa itong propaganda pabor sa Kabitenyong heneral.

Tinipid sa Dulo

Hindi malinaw ang karakter nina Col. Agapito Bonzon, Col. Ignacio Paua at Col. Lazaro Macapagal sa pelikula sapagkat kung sino ang humuli sa magkapatid na Bonifacio noong Abril 27, 1897 sa Indang, Cavite ay siya ring ipinakitang nagsagawa ng pagpatay sa kanila noong Mayo 10, 1897. Ang mga estudyanteng manunod ay malilito sapagkat ang mismong tumaga sa leeg ni Bonifacio nang hulihin ito ay ipanakitang ang mismong namuno rin sa pagpatay kay Bonifacio. Mukhang tinipid na ang eksenang ito dahil pati ang kasuotan ng mga pumatay kay Bonifacio ay simpleng polo shirt na lamang.

Mas Makapangyarihan sana ang Supremo

Dramatiko at madugo ang ginawang pagsaksak at pagkatay kay Bonifacio at maaawa ka sa naging katapusan ng unang president ng Pilipinas. Ngunit higit sanang magiging epektibo ito kung gumamit man lang sana ang pelikula ng alinmang sinulat ni Bonifacio tulad ng tula niyang “Pag-ibig sa Tinubuang Lupa” o kaya ay ang “Dapat Mabatid ng mga Tagalog” upang napalalim ang kanyang karakter. Ang pelikula ay lumitaw na parang simpleng dokumentaryo lamang mula sa perspektiba at panig ng isang historian na
natatakot sumbatan ng mga maka-Aguinaldo. Totoong may mahuhusay na eksenang nalikha at kahanga-hanga ang ilang tagpo pati na rin ang ginamit na musika sa pelikula ngunit hindi pa rin naging sapat ito upang mailapit sa masa ang tunay na kadakilaan ng Supremo. Pag pinagkumpara ang pelikulang indie na“Supremo” at mainstream na “El Presidente” ay tiyak na lalamunin lang ang una ng ikalawa at mauulit na naman ang pag-agaw ni Aguinaldo sa pwesto ni Bonifacio sa perang limampiso tulad rin ng naganap sa Tejeros.

Talaarawan

1/23/14

Huwebes

                Tinalakay ang banghay sa kwento ng kalupi. Inisa isa rito ang simula, kasukdulan, kakalasan, tungalian at ang wakas.Sinundan nman ito ng pangkatang Gawain.

1/24/14

Biyernes

                Ipinagpatulong ang pagtalakay sa skdsng Ang Kalupi. Nakapaloob ang teoryang kinabibilangan ng akdang ito. Ang teoryang Eksistensyalismo. Kasunod nito tinalakay din ang pananaw at paninindigan ng mga tauhan.

1/27/14

Lunes

Tinalakay ang akdang Himala ni Ricky Lee at pinag-aralan ang mga pangyayaring naganap sa akdang ito.

1/28/14

Martes

                Ipinagpatuloy ang patalakay sa akdang Himala at pinag-aralan ang katangian, pahiwatig at ang mga malalalim na salita na ginamit dito. I9sang takdang aralin ang iniwan sa amin na tungkol sa teoryang sikolohikkal.

1/29/14

Miyerkules

                Ipinagpatuloy ang pagtalakay sa akdang himala. Tinalakayb ang teoryang  nkapaloob ditto.

1/30/147

Huwebes

                Tinalakay ang nkapaloob sa teoryang sikolohikal, ang kahulugan nito at ang gamit nito sa akda. Inatasan kami na humanap ng isang pelikula na kinapapalooban ng teoryang sikolohikal.

2/3/14

Lunes

Tinalakay ang kahalagahan ng kaibigan at nagkaroon ng Gawain sa pagsusuri ng kaibigan .

2/4/14

Martes

                Tinalakay ang bangkang papel. Tinukoy ang tagong kahulugan o idioma ng nasabing pahayag.

2/5/14

Miyerkules

                Isinaad ang kabuuan ng akdang Bangkang Papel, ang mga tauhn kasama ang mga katangian nito. Isang pangkatan ang nagana kung saan tinalakay ang teoryang nakapaloob sa akda.

2/6/14

Huwebes

                Tinukoy ang teoryang nakapaloob sa akda, ito ang teoryang realism kung saan ipinapakita nito ang realidad. Itinuon ng pag-aaral hindi sa banghay nito kundi sa mga katangian ng  mga tauhan . Isang pangkatan ang isinagawa kung saan inatasan ang bawat pangkat na magulat tungkol sa teoryang realism.

2+/7/14

Biyernes

                Pinalawig ang pagtalakay sa teoryang nakapaloob sa akda, kung saan ipinaliwanag ng mabuti ang teoryang realism. Bilang gawain pinasulat kami ng isang liham para sa ating butihing pangulo na naglalayong pagtuunan ng pansin ang mga kapatid natin sa Mindanao.

2/10/14

Lunes

                Tinalakay ang kwento ni Rizal na siyang may kaugnayan sa akda niyang Noli Metangere at El Filibusteresmo.

2/11/14

Martes

                Isang palabas ang ipiunanuod samin tungkol kay Rizal. Ang kanyang buhay ay sumasalamin sa karakter ni Crisostomo sa akda niyang Noli Metangere at ang pagbabalik niya bilang Simoun sa El Filibusteresmo.

2/12/14

Miyerkules

                Tinalakayu ang mga bahagi ng tekstong nabangit kasabay nito, ito din ay binigyang kahulugan. Bilang takdang aralin inatasan kaming ilahad ang kabutihan, katotothana, at kagandahan sa bawat teksto.

2/13/14

Huwebes

                Tinalakay ang Teoryang nakapaloob sa Noli Metangere.

2/14/14

Biyernes

                Inisa isa ang mga mahahalagang pangyayaring naganap sa Akdang Noli Metangere, isa na ditto ang pagbabalik ni Ibarra bilang si Simoun sa El Filibusteresmo.

Lunes-Huwebes

                (DEMO)

2/21/14

Biyernes

                 Tinalakay ang isang bahagi ng Noli Metangere kung saan ang ama ni Ibarra ay pinaghinalaang isang erehe at pilibustero dahil sa aksidenteng pagkakapatay nito sa isang maniningil.

2/24/14

Lunes

                Tinalakay ang bahagi ng Ang Mga sacristan kung saan isinaad ang kahulugan ng mga malalal;im na salita. Isang tanong iniwan sa amin, kung naging makapangyarihan ba sa teksto sina Basilio, Crispin, at ang sacristan mayor.

Martes

( NO CLASSES )

2/26/14

Miyerkules

                Bilang kontinyowasyon n gaming talakayan, tilakay ngayon ang teoryang Femenismo kung saan ito ay nakatuon sa kahinaan at kalakasan ng mga kababaihan.

Huwebes-Biyernes

                ( No classes )

3/3/14

Lunes

                _____

3/4/14

Martes

                 Nagkaroon ng pagsususlit tungkol sa nakarang tinalakay. Kasunod nito tinalakay din ang mga tuhan dito.

3/5/14

Miyerkules

                ( No classes )

3/6/14

Huwebes

                Tinalakay ang kahulugan ng isang Rebyu, kung saan ito ay isang pagsusuri hinggil sa isang akda o palabas o maging sa isang awit, ito ay ang pagkilatis. Kasama ring tinalakay ang paraan ng paggawa nito.

3/7/14

Biyernes

                Nagsagawa kami ng isang rebyu.

3/10/14

Lunes

                Tinalakay ang mga bagay na dapat isaalang alang sa paggawa ng isang rebyu, tulad na lamang ng paksa, aral, para kanino, at iba. Tinalakay din ang buod o synopsis.

3/11/14

Martes

                 Ginawan ng rebyu ang Akdang Bata Bata Paano ka Ginawa

3/12/14

Miyerkules

                ( Review )